रातको अँध्यारोमा गाँजाका अनेक पोका
सप्तरीको हनुमाननगर कंकालिनी नगरपालिका वडा नम्बर १ कोशी ब्यारेज नजिकैबाट ठूलो परिमाणमा लागुऔषध बरामद भएको छ ।
विशेष सूचनाका आधारमा खटिएको सशस्त्र प्रहरीको टोलीले दुई सय २३ केजी गाँजा बरामद गरेको हो ।
सशस्त्र प्रहरी बल,नेपाल सुरक्षा बेश भारदहबाट सहायक निरीक्षक उमेशकुमार आलेको कमाण्डमा सात जनाको टोली खटिएको थियो ।
राति पौने ४ बजे पतेर घारीमा लुकाईछिपाई राखेको अवस्थामा नौ पोका गाँजा फेला पारेको टोलीले जनाएको छ ।
हाल टोलीले बरामद भएको गाँजा नेपाल प्रहरीलाई बुझाइसकेको छ ।
टिप्पणीहरू