महोत्तरीका मीटरब्याजी अनिरुध्दले भाग्ने ठाउँ पाएनन्

महोत्तरीका एक जना मीटरब्याजी समातिएका छन् । गएराति भंगहा नगरपालिका–५ सीतापुरबाट उनलाई प्रहरीले नियन्त्रणमा लिएको हो ।

सोही नगरपालिका घर भएका अनिरुद्र साहविरुध्द नौ जनाले जाहेरी दिएपछि नियन्त्रणमा लिएको एसपी कृष्णप्रसाद पङ्गेनीले जानकारी दिए ।

‘नौ जनाले जाहेरी दिनुभएको छ । अझै उजुरी आउने आशंका गरेका छौँ,‘ उनले भने, ‘उहाँहरुकै जाहेरीका आधारमा साहलाई गएराति पक्राउ गरेका हौँ ।”

साहले कपाली तमसुक बनाएर मीटरब्याजमा ऋण दिने गरेका थिए । उनीविरुध्द यसअघि पनि पीडितहरुले आफूलाई ठगी गरेको भन्दै जाहेरी दिएका थिए । उक्त मुद्दा अहिले जिल्ला अदालतमा विचाराधीन छ ।

पक्राउ परेका साहविरुध्द म्याद थप गरेर अनुसन्धानको तयारी भइरहेको एसपी पङ्गेनीले बताए ।