भारतीय नागरिकको पेटमा सुन

दुबईबाट मलद्वारमा सुन लुकाएर ल्याउने भारतीय नागरिक पक्राउ परेका छन् । ३१ वर्षीय राहुल रेमानानलाई हिजो त्रिभुवन अन्तर्राष्ट्रिय विमानस्थलबाट प्रहरीले नियन्त्रणमा लिएको छ ।

उनको साथबाट करिब एक किलोग्राम सुन बरामद गरिएको प्रहरीले जनाएको छ । उनी फ्लाई दुबईको उडानमा दुबईबाट आएका हुन् ।

प्रहरीका अनुसार राहुललाई शंका लागेर काठमाडौँ मेडिकल कलेजमा एक्स–रे गराइएको थियो । सोही क्रममा उनको पेटभित्र शंकास्पद वस्तु देखियो । त्यसपछि प्रहरी वृत्त गौशालामा लगी शौच गराउने क्रममा मलद्वारमा चार थान सुन फेला परेको हो ।