‘राधा’ ले शो नपाएपछि प्रदर्शन ‘क्यान्सल’

हलवालाले पर्याप्त शो नदिएको भन्दै ‘राधा’ फिल्म देशभरका सिनेमा हलबाट उतारिएको छ । निर्माण पक्षले आज पत्रकार सम्मेलन गरी देशभरका हालबाट सिनेमा निकालिएको जानकारी गराएको हो ।

कलाकार सौगात मल्ल र सृष्टि श्रेष्ठको मुख्य भूमिका रहेको ‘राधा’ भदौ १० गते देखि प्रदर्शनमा आएको थियो । तर, सिनेमा हलहरूले राधालाई प्राइम टाइम र पर्याप्त शो नदिएको निर्माण पक्षको आरोप छ । शो बाँडफाँटमा विभेद र अन्याय भएकोले हलमा लगाई राख्नु उचित नठानेर सिनेमालाई रोक्ने निर्णय लिएको बताइएको छ ।

निर्देशक सुवर्ण थापाले निर्देशन गरेको उक्त सिनेमामा सृष्टि र सौगातका अलवा दयाहाङ राई, मेनुका प्रधान, निश्चल बस्नेत, खगेन्द्र लामिछाने, बुद्धि तामाङ, दिव्य देव पन्त, पुष्कर गुरुङ, पशुपति राई, लोकेन्द्र लेखक, राजन खतिवडालगायतका कलाकारहरूको अभिनय रहेको छ ।