प्रहरीलाई आर्थिक प्रलोभनमा पार्न खोजेका युवक समातिए

प्रहरीलाई आर्थिक प्रलोभनमा पार्न खोजेको अभियोगमा एक युवक पक्राउ परेका छन् । काठमाडौंको कागेश्वरी मनहरा नगरपालिका–२, आलापोट बस्ने ३१ वर्षीय रोशन बस्नेत पक्राउ परेका हुन् ।

गए राति मध्यपुर थिमी नगरपालिका–१, लोकन्थलीस्थित ड्युटीमा खटिएको प्रहरीले बा.८८ प ४७८५ नम्बरको मोटरसाइकल चेकजाँच गर्ने क्रममा रोशनले प्रहरीलाई तीन हजार हजार ५० रुपैयाँको प्रलोभनमा पार्न खोजेको जिल्ला प्रहरी कार्यालय, भक्तपुरले जनाएको छ ।

दिन खोजेको रकम र मोटरसाइकल बरामद गरी रोशनलाई नियन्त्रणमा लिएर प्रहरीले आवश्यक अनुसन्धान गरिरहेको बताइएको छ ।