मसानघाटमा ६० केजी गाँजा फालेर तस्करहरु कुलेलम
बाराको सिम्रौनगढ नगरपालिका–१ ढाँटटोलास्थित मसानघाट नजिकैबाट ६० केजी गाँजा बरामद भएको छ । गएराति नेपालबाट भारततर्फ लैजाँदै गरेको अवस्थामा प्रहरीले उक्त गाँजा नियन्त्रणमा लिएको हो ।
गाँजा तीन जनाले तीन वटा बोरामा बोकेर ल्याएका थिए । तर, उनीहरु प्रहरी चौकी अमृतगञ्ज खजानीबाट खटिएको गस्ती टोलीलाई देख्नासाथ भागेको प्रहरीले जनाएको छ ।
हाल फरार व्यक्तिहरुको खोजी कार्य जारी रहेको बताइएको छ ।
टिप्पणीहरू