व्यासमा ट्रयाक्टर दुर्घटना, चालकको घटनास्थलमै मृत्यु

दार्चुलामा ट्रयाक्टर दुर्घटना हुँदा चालकको ज्यान गएको छ । व्यास गाउँपालिका–५, धौलाकोटमा आज भएको उक्त दुर्घटनामा दोकटका ४५ वर्षीय देवान सिंह विष्टको मृत्यु भएको हो ।

दोकटबाट खलङ्गा जाँदै गरेको सुदूर पश्चिम प्रदेश–०२–००१ त १४ ४७ नम्बरको ट्रयाक्टर आज बिहान पौने ८ बजे दुर्घटना भएको थियो । दुर्घटनामा गम्भीर घाइते भएको उनको घटनास्थलमै मृत्यु भएको जिल्ला प्रहरी कार्यालय, दार्चुलाले जनाएको छ ।