१२ वर्षदेखि चिडियाघरको पाण्डाको दिनहुँ फोटो खिच्ने ‘मिस्टर पाण्डा’

‘मिस्टर पाण्डा’ को नामले प्रख्यात जापानी नागरिक ताकाउजी पाण्डाको फोटो खिच्ने भनेपछि हुरुक्कै हुन्छन् । उनी पछिल्लो १२ वर्षदेखि जापानको एउटा चिडियाघर पुगेर दिनहुँ पाण्डाको दिनचर्याको फोटो खिच्नमा व्यस्त छन् । 

झण्डै १२ वर्षदेखि पाण्डाको तस्बिर खिच्दै आएका उनी हरेक दिन टोकियोको उनो चिडियाखानामा भेटिन्छन् । तीन वर्षअघिदेखि फैलिएको कोभिड महामारीमा भएको लकडाउन र छोरीको जन्मदिनका कारण तीन सय ४० दिन तस्बिर लिन नपाएका उनको जनावरप्रति एकदमै धेरै मोह भएको चिनियाँ समाचार समिति सिन्ह्वाले जनाएको छ । 

टोकियोमा यो वर्षको वसन्त मौसम शुरु भए पनि हिमपात भइरहेको छ । चिसो अत्यधिक छ । यद्यपि, यस्तो मौसममा पनि ताकाउजी सबेरै चिडियाखाना पुग्ने गर्छन् । जसले उनको पाण्डाप्रतिको लगावलाई छर्लङ्ग पारेको बताइन्छ । 

उनले सन् २०११ देखि ‘मैनिची पाण्डा’ नामक वेभसाइट नै शुरु गरेका छन् । त्यहाँ उनो चिडियाखानामा रहेका विशाल पाण्डाका तस्बिरहरु नियमित रुपमा अपलोड गर्ने पनि उनै हुन् ।

४४ वर्षीय ताकाउजी पाण्डा अवलोकनको निम्ति स्थानीय समयअनुसार बिहान साँढे ९ बजे घरबाट निस्कन्छन् । झण्डै एक घण्टाको सडक यात्रापछि उनी चिडियाखाना पुग्छन् । त्यत्ति नै समय लगाएर पछि घर फर्कन्छन् ।