अमेरिकाद्वारा सम्भावित खतरा सम्बन्धी वार्षिक प्रतिवेदन सार्वजनिक, चार वटा मुलुकको नामै उल्लेख
अमेरिकी राष्ट्रिय खुफिया एजेन्सीले सम्भावित खतरा सम्बन्धी वार्षिक प्रतिवेदन सार्वजनिक गरेको छ । खुफिया सम्बन्धी विभिन्न एजेन्सीको समग्र मूल्याङ्कन प्रतिवेदनमा अमेरिकाको सामुन्ने उत्पन्न भएका निकै डरलाग्दो र डरलाग्दो खतराबारे उल्लेख गरिएको बताइएको छ ।
प्रतिवेदनमा अमेरिकाले आफ्नो निम्ति चीन, रुस, इरान र उत्तर कोरियाबाट सबैभन्दा धेरै खतरा रहेको उल्लेख छ । चीनले क्षेत्रीय र विश्व मामिलामा बढाउँदै गएको प्रभाव, साइबर क्षेत्रमा बढाएको लगानी, अन्तरिक्षमा नयाँ प्रविधिको थालनी, आणविक हतियार र प्रविधिको विस्तार, सैन्य क्षमतामा दिएको ध्यान र प्रभुत्व विस्तार अमेरिकाका लागि खतरा रहेको जनाइएको छ ।
त्यसैगरी पछिल्लो समय स्वास्थ्य खतराको रुपमा उत्पन्न कोभिड १९ बारे पनि लामै व्याख्या गरिएको छ । ४० पृष्ठ लामो प्रतिवेदनमा रुसले युक्रेनमाथि गरेको आक्रमणलाई समेत अमेरिकाले आफूविरुद्धको खतराको रुपमा जनाएको छ ।
प्रतिवेदनमा जलवायु परिवर्तन र वातावरणमा आएको ह्रासलाई पनि अर्को खतरा भनिएको छ ।
टिप्पणीहरू