सडक मार्गबाट कैलाली छिरेका भाजपा नेता राजदूतसँगै काठमाडौंमा
हिजो बिहान सडक मार्गबाट धनगढी पुगेका भारतीय जनता पार्टीका नेता काठमाडौं आएका छन् । भाजपाका विदेश विभाग प्रमुख डा. विजय चौथाइवाले श्री एअरलाइन्सको उडानमा आज साँझ काठमाडौं आएको बताइएको छ ।
चौथाइवालेसँगै नेपालका लागि भारतीय राजदूत नवीन श्रीवास्तव पनि सोही उडानमा छन् । उनीहरुले त्यहाँ आयोजित मानसखण्ड सम्मेलनमा भाग लिएका हुन् । कार्यक्रममा नेपाल र भारतबीचको एकीकृत सभ्यता र सांस्कृतिक सम्बन्धबारे चर्चा गरिएको जानकारी दिइएको छ । कार्यक्रमका प्रमुख अतिथि नेपाली काँग्रेस सभापति शेरबहादुर देउवा पत्नी राणा हिजो र अतिथि भारतीय राजदूत आज बिहान उडानबाट धनगढी गएका हुन् ।
अस्तिदेखि आयोजित कार्यक्रमको समापनमा भारतीय राष्ट्रिय स्वयंसेवक संघ आर एस एसका प्रचार विभाग प्रमुख सुनिल अम्बेकर, भारतीय प्रहरीका पूर्व डिआईजी भगसिंह टोलिया, भारतीय प्राध्यापक डा. अनुराधा गोश्वामी, डा. निहार नायकलगायतको सहभागिता छ । उनीहरुमध्ये अधिकांश नयाँ दिल्लीबाट स्थलमार्ग हुँदै गौरीफन्टा नाका भएर धनगढी आएका हुन् ।
ट्रेन्डिङ पोस्ट
टिप्पणीहरू