सेनाको हेलिकोप्टरमा प्रधानमन्त्री र पूर्वप्रधानमन्त्री भोट माग्न तनहुँतिर

प्रधानमन्त्री पुष्पकमल दाहाल प्रचण्ड र पूर्वप्रधानमन्त्री तथा नेपाली काँग्रेसका सभापति शेरबहादुर देउवा आज तनहुँ जानुभएको छ । उहाँहरु नेपाली सेनाको हेलिकोप्टरमा दिउँसो त्यता लाग्नुभएको हो । 

प्रधानमन्त्रीको सरकारी निवास बालुवाटारबाट सेनाको हेलिकप्टर चढेर उहाँहरु दिउँसो पौने ३ बजे तनहुँ प्रस्थान गरेको बताइएको छ । 

प्रधानमन्त्री र पूर्वप्रधानमन्त्री सत्ता गठबन्धनका साझा उम्मेदवार नेपाली काँग्रेसका गोविन्द भट्टराईको चुनावी अभियानमा सहभागी हुन तनहुँ जानुभएको हो । अर्का पूर्वप्रधानमन्त्री तथा नेकपा एकीकृत समाजवादीका अध्यक्ष माधवकुमार नेपाल पनि गोविन्दलाई भोट माग्ने कार्यक्रममा सहभागी हुने बुझिएको छ ।