१२ को परीक्षामा गडबड गर्ने काठमाडौँका तीन केन्द्राध्यक्षमाथि कारबाही

राष्ट्रिय परीक्षा बोर्डले कक्षा १२ को वार्षिक परीक्षामा अमर्यादित गतिविधि गर्ने तीनजना केन्द्राध्यक्षलाई कारबाही गरेको छ । बोर्डका अनुसार काठमाडौँका तीन परीक्षा केन्द्रका केन्द्राध्यक्ष कारवाहीमा परेका हुन् । जसमध्ये एक जनालाई बर्खास्त र दुई जनालाई सचेत गराइएको छ । 

काठमाडौँको मित्रपार्कस्थित टेक्सास इ माविका केन्द्राध्यक्षले परीक्षाको मर्यादा विपरीत कार्य गरेकोले बर्खास्त गरिएको हो भने मित्रपार्कमै रहेको कैलाशकुट बहुमुखी क्याम्पस र बौद्धको कुमारी आवासीय माविका केन्द्राध्यक्षले उचित परीक्षाको वातावरण कायम गर्न नसकेकाले दुबैलाई सचेत गराएको बोर्डले जनाएको छ ।

गत बैशाख २६ गतेदेखि चलिरहेको कक्षा १२ को परीक्षाका क्रममा बैशाख २९ र बैशाख ३१ गतेका दिन ति परीक्षा केन्द्रमा नियमविपरित गतिविधि भएकाले उक्त निर्णय लिनुपरेको बोर्डले जानकारी दिएको छ ।