बाढी पहिरो पीडितलाई रेडक्रसको दोस्रो चरणको राहत
नेपाल रेडक्रस सोसाइटी ताप्लेजुङ शाखाले बाढी पहिरो पीडितलाई दोस्रो चरणको राहत उपलब्ध गराएको छ । असार पहिलो साता गएको बाढी पहिरोबाट पीडितहरुलाई दोस्रो पटक राहत वितरण थालेको जनाइएको छ ।
रेडक्रसकर्मीहरुले सिसदङ्वा गाउँपालिका मेहेलेको फावाटार पुगेर हिजो राहत वितरण गरेका हुन् । पहिलो चरणमा सुरक्षित बास, उपचार र तथ्याङ्क संकलनको काम सकाइएको थियो । दोस्रो चरणमा खाद्यान्न, तेल, चिनी, चिया, नुन, मसलालगायत घरायसी सामग्री वितरण गरिएको छ ।
गाउँपालिका र जिल्ला विपद् व्यवस्थापन समितिसँगको समन्वयमा राहत वितरणका कार्यहरु भइरहेको जिल्ला शाखाका सभापति ईन्द्र गुरुङले जानकारी दिए । ताप्लेजुङ शाखाका कोषाध्यक्ष दिनेश अधिकारी, उपशाखा कार्यसमिति पदाधिकारी र स्वयंसेवकहरुको उपस्थितिमा राहत वितरण गरिएको हो ।
टिप्पणीहरू