काभ्रेपलाञ्चोकको आगलागीमा तीन चौपाया र एकतले घर खरानी

काभ्रेपलाञ्चोकको तेमालमा आगलागी भएको छ । आगलागीबाट साढे पाँच लाख रुपैयाँ बराबरको धनमालको क्षति भएको बताइएको छ ।  

तेमाल गाउँपालिका ७, खरेलथोकका माधव खरेलको गोठमा आगलागी हुँदा उक्त क्षति भएको हो ।  आज बिहान विद्युत सर्ट भई आगलागी हुँदा तीन वटा चौपाया र गोठसँगै रहेको एकतले घर पूर्ण रुपमा जलेर नष्ट भएको बताइएको छ । 

आगलागी स्थानीय बासिन्दाको सहयोगमा नियन्त्रणमा लिएको प्रहरीले जनाएको छ । हाल घटनाबारे थप आवश्यक अनुसन्धान भइरहेको छ ।