जडिबुटी नजिकैको सवारी दुर्घटनामा एक जनाको मृत्यु (अपडेट)

कोटेश्वर जडिबुटी नजिकै भएको सवारी दुर्घटनामा घाइते भएकामध्ये एक जनाको ज्यान गएको छ । आज बिहान मूलपानीबाट आएको बसले तीनवटा सवारी साधनलाई ठक्कर उनको मृत्यु भएको बताइएको छ । 

घाइते पाँच जनाको उपचार भइरहेको छ । पेप्सीकोलाबाट जडिबुटीतर्फ गइरहेको बसले एउटा जिप, एउटा मोटरसाइकल र एउटा स्कुटरलाई ठक्कर दिएको थियो । 

ठक्करका कारण मोटरसाइकल चालक २१ वर्षीय राज भट्टराईको मृत्यु भएको प्रहरीले जनाएको छ । उनको सिभिल अस्पतालमा उपचारको क्रममा मृत्यु भएको हो । 

बा. ३ ख ४८४८ नम्बरको बसले बा. ६ च ५३४२ नम्बरको जीप, बागमती प्रदेश ०२–०४१ प ४८३८ नम्बरको मोटरसाइकल र बागमती प्रदेश ०२–०३७ प ५३११ नम्बरको स्कुटरलाई एकै पटक ठक्कर दिएको थियो ।