जनआस्थामा समाचार आयो, धादिङका विद्यार्थीले झोला पाए

टाउकोमा किताब र कापी बोकेर विद्यालय जान बाध्य धादिङको गजुरी गाउँपालिका– ४ स्थित पिण्डेश्वरी माध्यमिक विद्यालय, गैरीगाउँका छात्रछात्राले झोला प्राप्त गरेका छन् ।

झोलाको अभावमा टाउको दुखाउन बाध्य छात्राहरूको बिजोग अवस्थाबारे जनआस्थाले असोज ३ गते (वर्ष २९, अँक २९) समाचार प्रकाशन गरेको थियोे ।

त्यही बेला नेपाल भ्रमणमा आएकी युन्नान प्रान्तीय कम्युनिष्ट पार्टी प्रचार विभाग प्रमुख च¨ यानलाई जनआस्था कार्यालय भ्रमणका क्रममा ती बालवालिकाको अवस्थावारे ध्यानाकर्षण गराउँदा यथासक्य छिटो समस्या समाधान गरिने वचन प्राप्त भएको थियोे ।

सोही वचन काठमाडाँैस्थित युन्नान प्रान्तीय व्यापार प्रतिनिधि याङले उक्त विद्यालयमा पुगेर माघ ६ गते शनिबार कार्यान्वयन गरेका हुन् ।