पूर्वमन्त्रीको हत्यामा कामदारमाथि आशंका, तालिमप्राप्त कुकुर मगाइयाे
![पूर्वमन्त्रीको हत्यामा कामदारमाथि आशंका, तालिमप्राप्त कुकुर मगाइयाे](https://janaaastha.prixacdn.net/media/albums/p_4_4bdqG93MPY.png)
पूर्वभूमिसुधार राज्यमन्त्री रामचन्द्र रायको हत्यामा संलग्न रहेको आशंकामा प्रहरीले एक जनालाई नियन्त्रण लिएको छ । पूर्वमन्त्रीको घरमा काम गर्न बसेका एक व्यक्तिलाई नियन्त्रणमा लिएको बताइएको छ । यद्यपि नाम भने प्रहरीले खुलाएको छैन।
एसपी सिंहका अनुसार प्रहरीको मधेश प्रदेश कार्यालयका डिआइजी यज्ञ विनोदसहितको टोली घटनास्थलमा पुगेकाे छ ।
राप्रपाका नेतासमेत रहेका ८० वर्षीय रायको गएराति चन्द्रनगर गाउँपालिका-१ रतनपुरस्थित आफ्नै घरमा मृत फेला परेका थिए । घटनाको जानकारी पाएलगत्तै प्रहरी टोली घटनास्थल पुगेको थियो । उनको टाउकोको बायाँपट्टी भागमा उखु काट्न प्रयोग हुने धारिलो हतियार प्रहार गरेको प्रहरीको अनुसन्धानबाट खुलेको छ ।
परिवारसँग काठमाडौँमा बस्दै आएका पूर्वमन्त्री राय एक साताअघि धान रोपाइँका लागि रतनपुर पुगेका थिए । उनकी पत्नी र बालबच्चा भने काठमाडौँमै छन् । घटनापछि परिवारलाई खबर गरिसकेको प्रहरी जनाएको छ ।
राय ०५६ सालमा तत्कालीन राजा ज्ञानेन्द्रको शासन कालमा भूमिसुधार राज्यमन्त्री बनेका थिए । उनका भाई नगेन्द्र प्रसाद राय अहिले मलंगवा नगपालिकाको मेयर छन् ।
टिप्पणीहरू