सुनका गहानाको कथा,सिनेमा हेरे सुनकै सौगात

चलचित्र निर्माता सुन व्यवसायी,कथा सुनकै अनि हेर्नेलाई पनि सुन उपहार ! आगामी साउन २५ गतेबाट प्रदर्शनमा आउन लागेको चलचित्र ‘नम्बरी सुन’ को प्रसंग हो यो । 

फिल्म निर्माण पक्षले चलचित्र हेर्ने १२ जना दर्शकलाई सुन उपहार दिने घोषणा गरेको छ । खल्ती एपबाट टिकट काट्ने पाँच जना र हलमा पुगेर टिकट लिने ७ जनालाई सुनको मोतीवाला चन्द्रहार उपहार दिन लागिएको हो । १२ भाग्यशाली दर्शकको छिनोफानो  'लक्की ड्र'बाट गरिने बताइएको छ । 

चलचित्रको निर्माता र कलाकारसमेत रहेका नारायण खाती सुन व्यवसायी हुन् । चलचित्रमा करिब ७० वर्षअघि घर–घर पुगेर सुनको गहना बनाउनेको कथा प्रस्तुत गरिएको छ । 

राजु गिरीले निर्देशन गरेको चलचित्रमा सरोज खनाल, गौरव पहारी,नम्रता सापकोटा, बुद्धि तामाङ, विनोद न्यौपाने, राजाराम पौडेल, किरण नेपाली, राजेन्द्र खड्गी, सविन बाँस्तोला, गीता अधिकारी, नारायण खाती, अस्मिता न्यौपाने, राजेन्द्र गिरी, कंगना गिरी लगायतको अभिनय छ । 

शिवम् अधिकारीको पटकथा तथा संवाद रहेको चलचित्रमा अर्जुन पोखरेल र सन्तोष श्रेष्ठले सगीत भरेका छन् । त्यस्तै, राजेश पायल राई, प्रताप दास, शान्तिश्री परियार, अनु चौधरी लगायतले स्वर दिएका छन् ।