न्यायाधीश छान्ने ठाउँमा एक पद रिक्त हुँदै
नेपाल बार एशोसिएशनको प्रतिनिधिका रुपमा न्यायपरिषदमा प्रतिनिधित्व गर्दै आएका वरिष्ठ अधिवक्ता रामप्रसाद श्रेष्ठको पदावधि मङ्सिर १५ गते सकिँदैछ ।
उनको पदावधि समाप्त भएपछि रिक्त हुने पदमा नेपाली काँग्रेस निकट वरिष्ठ अधिवक्ताहरू उपेन्द्रकेशरी न्यौपाने, बारका पूर्व अध्यक्ष शेरबहादुर के.सी. र गोपाल घिमिरेबीच कसले बाजीमार्ने भन्ने प्रतिस्पर्धा छ । अर्कोतर्फ बारको आगामी निर्वाचनको तयारीमा पनि प्रजातान्त्रिक र प्रगतिशील खेमाका वकिलहरूबीच नाम चर्चा चल्न शुरु भएको छ ।
काँग्रेस निकट डिएलए डिफर समूहको नेतृत्व वर्तमान कोषाध्यक्ष सन्तोष राउतले गरेको र सो समूहमा वीरगञ्जका सुधिर कर्णलगायत सात जना सक्रिय रहेकाले यो खेमालाई खुशी पार्नैपर्ने बाध्यता छ । सर्वोच्च अदालतमा प्रधानन्यायाधीश प्रकाशमानसिंह राउतपछिको रोलक्रममा वामपन्थी पृष्ठभूमिको बाहुल्य छ ।
राउतपछि सपना प्रधान मल्ल, कुमार रग्मी, हरि फुयाँल, मनोज शर्मा, नहकुल सुवेदी, टेकप्रसाद ढुंगाना र नृपध्वज निरौलाले पालो पाउँछन्। यीमध्ये प्रजातान्त्रिक धारको रुपमा कुमार रग्मीलाई चिन्ने गरिएको छ ।
(साभार:जनआस्था-साप्ताहिकबाट)
ट्रेन्डिङ पोस्ट
टिप्पणीहरू