लागुऔषधसहित समातिएकामाथि अनुसन्धान जारी
भरतपुरमा अवैध लागुऔषधको बिक्री वितरणमा संलग्न व्यक्तिलाई प्रहरीले नियन्त्रणमा लिएको छ । आफ्नै घरमा लुकाइछिपाइ लागुऔषध बेच्ने गरेको सूचनाको आधारमा अस्थायी प्रहरी पोष्ट शरणपुरबाट खटिएको टोलीले भरतपुर–१६ चौकीटोलका अमित रोका मगरलाई पक्राउ गरेको छ ।
४० वर्षीय मगरलाई अस्ति राति साढे ८ बजे घरबाटै पक्राउ गरिएको बताइएको हो । प्रहरीले उनको घरकोठा खानतलासी गर्दा सुत्ने कोठाको दराजमा लागुऔषध ट्रामाडोल ११० पत्ता (११०० ट्यापलेट), एनारगन ११० पत्ता (११०० ट्यापलेट), नगद रु. ४० हजार छसय ७० र साथै एकसय २० भारतीय रुपैयाँ फेला पारेको हो ।
ती लागुऔषध र नगदसहित मगरलाई नियन्त्रणमा लिएर जिल्ला अदालतबाट म्याद थप गरी अनुसन्धान भइरहेको जिल्ला प्रहरी कार्यालय चितवनका प्रमुख एसपी गौतम मिश्रले बताए ।
टिप्पणीहरू