एआईजी किरण बज्राचार्य भोलिदेखि अवकाश, आज बिदाई
नेपाल प्रहरीको अतिरिक्त महानिरीक्षक (एआईजी) किरण बज्राचार्य सेवाबाट बिदा हुन लागेकी छन् । उमेर हदका कारण भोलिदेखि अनिवार्य अवकाशमा जान लागेकी उनलाई आज विशेष कार्यक्रमका साथ बिदाई गरिएको छ ।
प्रहरीको केन्द्रीय अनुसन्धान ब्युरो (सिआइबी)को पूर्व प्रमुखसमेत रहेकी बज्राचार्य गत साउन २२ गतेदेखि रानीपोखरीस्थित काठमाडौँ उपत्यका प्रहरी कार्यालयमा सरुवा भएकी हुन् ।
२०५१ सालदेखि प्रहरी सेवामा प्रवेश गरेकी बज्राचार्यले भक्तपुर र ललितपुरसहित विभिन्न जिल्लाको कमाण्ड सम्हालिसकेकी छन् । उनलाई आज उच्च पदस्थ प्रहरी अधिकृतहरुले मायाको चिनोसहित बिदाई गरे ।
टिप्पणीहरू