सगरमाथाको फेदमा हावाहुरीको बितण्डा

सगरमाथा प्रवेशद्वारका रुपमा चिनिएको सोलुखुम्बुको नाम्चे बजारमा हावाहुरीले वितण्डा मच्चाएको छ । 

आज दिउँसो चलेको हावाहुरीले पासाङल्हामु गाउँपालिका-५ नाम्चे बजारका दर्जनौँ घरमा क्षेति पुर्याएको जिल्ला प्रहरी कार्यालय सोलुखुम्बुले जानकारी दिएको छ । पासाङल्हामु शेर्पा, काजी शेर्पा, नुरु शेर्पा, दोर्जे शेर्पा, आङनुरु शेर्पा, सोनामा दावा शेर्पासहित एक दर्जन स्थानीयको घरको छानो उडाएको जनाइएको छ । 

प्रहरीका अनुसार निमा नुरु शेर्पा, दोर्जे लामा, आङ नुरु शेर्पा, सोनाम दावा शेर्पालगायतको सोलार प्यानल उडाएको छ । हावाहुरीको कारण मानवीय क्षति भने भएको छैन ।