सिके राउतको नाममा विदेशमा उठाइएको रकम झ्वाम

डा. सिके राउत नेतृत्वको जनमत पार्टीले गैरआवासीय मधेशी संघबाट अब कुनै पनि प्रकारको लेबी वा शुल्क नउठाउने भएको छ । विदेशमा रहेका आफ्ना समर्थक तथा सदस्यबाट उठाउँदै आएको रकममा अनियमितता भएपछि यस्तो निर्णय गर्नुपरेको जनाइएको छ ।

संघको कार्ड छपाई शुल्कबाहेक सदस्यहरुबाट अन्य कुनै शुल्क वा लेबी नउठाउने जनमतको निर्णय छ । यसले अनावश्यक विवाद, आरोप तथा असमझदारी कम गर्दै विशुद्ध रुपमा संगठन विस्तारमा लाग्न र सदस्य बढाउने विश्वास लिइएको पार्टीका केन्द्रीय सचिवालय प्रमुख राजेशकुमार मण्डलले बताए । 

त्यस्तै, संघका सदस्यहरुको विवरण एकमुष्ठ रुपमा दिइएको फाराम प्रयोग गरेर हरेक देशका समितिले बुझाउनसक्ने र प्रत्येक महिना सबै समितिले नयाँ सदस्यहरुको विवरण केन्द्रीय संगठन विभागलाई अपडेट गर्न उपलब्ध गराउनुपर्ने निर्णय भएको उनले जानकारी दिए ।