आगलागीबाट बच्न आमाले माथिल्लो तल्लाबाट बालक छोरोलाई फालिन् (भिडियोसहित)

दक्षिण अफ्रिकाको डरबनमा आगलागीबाट बच्न दनदनी बलेको घरको माथिल्लो तलाबाट एउटी आमाले पहिले छोरोलाई फालेको र त्यसपछि उनको उद्धार गरिएको दुर्लभ र मार्मिक भिडियो फेला परेको छ ।

घरको माथिल्लो तलाबाट फालिएको बालकलाई सडकमा उभिएका मानिसले हात थापेर समाएका थिए । त्यसलगत्तै आमाको उध्दार गरिएको थियो ।

दक्षिण अफ्रिकाका पूर्वराष्ट्रपति याकुव जुमालाई अदालतको अपहेलना गरेको कारण गतहप्ता १५ महिनाको कैद सजाय सुनाएपछि हिंसात्मक दंगा भड्किएको छ ।

जुमाले सन् २००९ देखि २०१८ सम्म राष्ट्रपति छँदा भ्रष्टाचार गरेको आरोपमा छानबिन अगाडि बढाउँदा उनले उपस्थित भएर बयान दिन अस्वीकार गरेका थिए । पछि अदालतले समेत दिएको आदेशलाई अस्वीकार गरेपछि जेल सजाय तोकिएको हो ।

दक्षिण अफ्रिकामा भड्किएको पछिल्लो हिंसात्मक प्रदर्शनमा ७५ जना मारिएका छन् भने १ हजार भन्दा बढी पक्राउ परेका छन् ।
भिडियो स्रोतः बीबीसी