अचार हो श्रीमतीको ज्यान लोहोरोले पिस्नलाई ?

श्रीमतीको हत्या गरेको आरोपमा प्रहरीले पाँचथरबाट एक जनालाई पक्राउ गरेको छ । ती ब्यक्ति पाँचथर जिल्ला फाल्गुनन्द गाउँपालिका–२ ईम्बुङका इन्द्रकुमार नेम्वाङ हुन् । उनीमाथि अचार पिस्ने लोहोरोले श्रीमतीलाई हानेर मारेको अभियोग छ ।

गत शुक्रवार दिउँसो सामान्य घरायसी विवादमा ४५ वर्षीया श्रीमनी जीवनकुमारी नेम्वाङको लोहोरोले हानेर हत्या गरेको उनले स्वीकारेका छन् । घाइते जीवनकुमारीलाई उपचारको निम्ति बिर्तामोडको बिर्तासिटी अस्पताल लगिएको थियो ।

उपचार क्रममा हिजो मृत्यु भएपछि प्रहरीले श्रीमान इन्द्रलाई पक्राउ गरेको हो । घटनाबारे थप अनुसन्धान भइरहेको पाँचथर प्रहरीले जनाएको छ ।