डाक्टरको जाँचमा नक्कली परिक्षार्थी, ३ जना समातिए

एमडी तथा एमएसको प्रवेश परीक्षा दिन गएका एक नक्कली परिक्षार्थीसहित तीन जना समातिएका छन् । चिकित्सा शिक्षा आयोगद्वारा सञ्चालित प्रवेश परीक्षामा नक्कली परिक्षार्थी बनेका र उनलाई साथ दिएका दुई जनालाई प्रहरीले पक्रेको हो ।

पक्राउ पर्नेहरूमा भारत उत्तर प्रदेश गोण्डा घर भएका ३० वर्षीय जितेन्द्र कुमार मिश्रा, भारत बिहार सिक्टाका ३४ वर्षीय शशी भूषण सिंह र भारत बिहार खगरियाका ३२ वर्षीय कृष्ण मुरारी हुन् । जितेन्द्रले कृष्ण मुरारीको नाममा नक्कली परिक्षार्थी बनेर परिक्षा दिँदा शशीले भने उनीहरुलाई साथ दिएका हुन् ।

प्रहरीका अनुसार नक्कली परिक्षार्थी जितेन्द्र र बिचौलियाको रुपमा नक्कली परिक्षार्थीलाई सहयोग गर्ने शशि भुषणलाई काठमाडौंको एलआरआई स्कुलबाट र परीक्षामा अमर्यादित कार्य गर्ने मुरारीलाई नेपाली सेना स्वास्थ्य विज्ञान प्रतिष्ठान सानोभर्याङबाट पक्राउ गरिएको हो ।