जुवाखालबाटै जुवाडे समातिए

दाङमा जुवा खेलिरहेका आठ जनालाई प्रहरीले समातेको छ । शान्तिनगर गाउँपालिका–५ बैशामा जुवा खेलिरहेको अवस्थामा प्रहरीले हिजो राति उनीहरुलाई समातेको हो ।

निराजन मल्लको घरमा तास खेलिरहेको अवस्थामा सोही गाउँपालिका–७ का ३२ वर्षीय वीरबहादुर रावतलगायतलाई इलाका प्रहरी कार्यालय खिलतपुरबाट खटिएको प्रहरीले पक्रेको हो ।

पक्राउ परेका जुवाडेहरुको साथबाट प्रहरीले नगद २ लाख ८२ हजार ३ सय ५ रुपैयाँ र १ बुक तास समेत बरामद गरेको छ ।