‘पश्चिमी युन्नान भाइ’बाट संसार युन्नानको मोहमा

हालमा ‘पश्चिमी युन्नान भाइ’ को नेट नामबाट प्रख्यात एक जना १९९० दशकमा जन्मेको युन्नान केटी विदेशमा लोकप्रिय भएकी छिन् । छोटो भिडियो मार्फत उनले युन्नान खाना बनाउने प्रक्रिया सुरुदेखि अन्तसम्म रेकर्ड गर्छिन् र आफ्नो परिवारको दैनिक जीवन अरुहरुलाई साझेदार गर्छिन् । धेरै नेट मित्रहरु युन्नानसँग निकै मोहित भएका छन् ।

डिसेम्बर १९, २०१९ सम्ममा ‘पश्चिमी युन्नान भाइ’ को वेब फ्यानस ३२ लाख ४० हजार पुगेको थियो र युट्यूबमा ३५ लाख ७० हजार प्रशंसक थिए । ३ लाख ८० हजार फेसबुक प्रयोगकर्ताहरुले सदस्यता लिएका थिए र डौयिनमा १४ लाख अनुयायीहरु थिए ।

‘पश्चिमी युन्नान भाइ’ को मूल नाम डुङ मेहुआ थियो । ‘आफूलाई सानू भाइ भन्नुको मतलब चञ्चलता र सहजताको महसुस गर्नु हो र पश्चिमी युन्नान आफ्नो गृहघर पाओशानको भौगोलिक निर्देशांकको प्रतिनिधित्व गर्दछ ।’ डुङ मेह्वाले उसको नेट नाम ‘पश्चिमी युन्नान भाइ’बारे यसरी सम्झाइन् । छोटो भिडियो बनाउने उनको अनुभवको बारेमा उनले बताइन्, कलेजबाट स्नातक गरेपछि उनी एउटा इन्टरनेट कम्पनीमा काम गर्न थालिन्, तर उनका बुबा बिरामी भएकोले उनी २०१६ मा आफ्नो गृहघर फर्किइन् ।

सायद इन्टरनेट कम्पनीमा उनको कामको अनुभवको कारण ‘पश्चिमी युन्नान भाइ’ले छोटो भिडियो खिच्न र इन्टरनेटमा अपलोड गर्न थालिन्, युन्नान उत्पादनहरुको प्रचार गर्नका लागि । उनको भिडियोमा विभिन्न युन्नान विशिष्ट खाना बनाउने प्रक्रियाहरु छन्, जुन देखेर मानिसको मुखमा पानी आउँछ । भिडियोमा स्वच्छ र शान्तिमय साना गाउँहरु, न्यानो स्वभावका छिमेकीहरु, रमणीय दृश्यहरु, ढिलो गतिको जीवनशैलीहरु पनि छन् । एक किसिमको ‘युन्नान स्वाद’ उनका कृतिहरुका प्रख्यात ‘ट्याग’ भएको छ । केही विदेशी मिडियाहरुले यसरी टिप्पणी गरे कि ‘पश्चिमी युन्नान भाइ’ले संसारलाई युन्नानसँग मोहित तुल्यायो । (यस पत्रिकाबाट संश्लेषित)