भरुवा बन्दुक बोकेर जंगलमा हिँड्ने दुई जना समातिए

कपिलवस्तुमा भरुवा बन्दुकसहित दुई जनालाई प्रहरीले नियन्त्रणमा लिएको छ । हिजो बाणगंगा नगरपालिका-२ स्थित मनकामना सामुदायिक बनबाट २ थान भरुवा बन्दुकसहित दुई जनालाई प्रहरीले नियन्त्रणमा लिएको हो ।

अर्घाखाँची सितगंगा नगरपालिका-१४ बस्ने ५० वर्षीय वीर बहादुर सोमै र २८ वर्षीय खेमु मगरलाई पक्राउ गरिएको जिल्ला प्रहरी कार्यलय कपिलवस्तुले जनाएको छ ।

उनीहरुलाई जंगलमा बन्दुकसहित हिँडिरहेको अवस्थामा प्रहरी कार्यालय पिपराबाट खटिएको प्रहरी टोलीले पक्राउ गरि थप अनुसन्धान अघि बढाएको छ ।