गाडी साहु आफै गाँजा बोक्नमा गदगद

उदयपुरको बेलका नगरपालिका ८ सिरुवानीबाट प्रहरीले ठूलो परिमाणको गाँजासहित ३ जनालाई पक्राउ गरेको छ । पक्राउ पर्नेमा बेलका नगरपालिका ८ का २७ वर्षीय गोकुल राई,वडा नं ७ का २९ वर्षीय मनोज राई र सुनसरी जिल्ला बराहक्षेत्र १ का २३ वर्षीय मनिष धामी रहेका छन् ।

आरोपितहरुले हिजो मध्ये रात को १ ज २७६१ नम्बरको पिकअपमा नीलो त्रिपालले छोपेर १६ बोरा गाँजा ओसारेको अवस्थामा प्रहरीले फेला पारेको हो । ओसारपसारमा संल्गन गोकुल राई नै सवारी धनी र चालक हुन् । बरामद गाँजाको तौल ४ सय केजी रहेको छ भने प्रहरीले निजहरुबाट ६३ हजार २५ रुपैयाँका साथै सामसुङ कम्पनीको १, रेडमी कम्पनीको २ र नोकिया कम्पनीको १ थान गरी ४ थान मोबाइल फोनसमेत बरामद गरेको छ ।

प्रहरीको प्रारम्भिक अनुसन्धानअनुसार सो लागु भारतीय बजारमा बेचविखन गर्न लैजाँदा फेला परेको हो । गाँजा छिमेकी जिल्ला भोजपुरमा उत्पादन र प्याकिङ् भएको खुलेको छ । गाडीसहित फेला परेका तीनै जना अभियुक्तविरुध्द लागुऔषध एन २०३३ बमोजिमको कार्वाही गर्ने तयारी भइरहेको छ ।

पक्राउ परेका तीन अभियुक्तविरुद्ध उदयपुर जिल्ला अदालतबाट अनुसन्धानको निम्ति प्रहरीले १० दिनको लागि म्याद थपेको जानकारी दिएको छ । विगत एक दशक यता प्रहरीले समातेको गाँजाको यो परिणाम सबैभन्दा धेरै हो । भारतीय बजारमा बरामद बरामद गाँजाको मूल्य ६० लाख भन्दा बढ्ता रहेको अनुमान छ ।