चार भाइ मिलेर एकजनाको रामधुलाई

जुम्ला प्रहरीले एक युवकलाई कुटपिट गरी घाइते बनाएको आरोपमा तीन जनालाई नियन्त्रणमा लिएको छ । कनकासुन्दरी गाउँपालिका-६ दातेओखर बस्ने ३५ वर्षीय कर वडलाई कुटपिट गरी गम्भीर घाइते बनाएका चारमध्ये तीन जना समातिएका हुन् ।

समातिनेहरुमा सोही ठाउँका २६ वर्षीय नवजंग रोकाया,२४ वर्षीय बखत रोकाया र २४ वर्षीय ईश्वर पछाई रहेका छन् । प्रहरीका अनुसार फरार रहेका सोही ठाउँका कुरम रोकायको भने खोजी भैरहेको छ ।

सामान्य विवाद हुँदा वडलाई चार जनाले हिजो बेलुका मरणासन्न हुने गरी कुटपिट गरेको जिल्ला प्रहरी कार्यालय जुम्लाले बताएको छ । कुटपिटमा घाइने भएका वडको कर्णाली स्वास्थ्य विज्ञान प्रतिष्ठान जुम्लामा उपचार भइरहेको छ ।