मारेको मृग र भरुवा बन्दुकसहित शिकारी फेला

संखुवासभाको चैनपुर नगरपालिका–७ बालेश्वरको जंगलमा मृग मारेका एक जनालाई प्रहरीले पक्राउ गरेको छ । पक्राउ पर्ने शिकारी चैनपुर–७ फलाँटे का ३५ वर्षीय दिलबहादुर श्रेष्ठ हुन् ।

उनलाई प्रहरीले मारेको मृग र भरुवा बन्दुकसहित पक्राउ गरेको हो । आज बिहान पक्राउ परेका श्रेष्ठविरुद्ध प्रहरीले विशेष सूचना पाएपछि पिलुवाखोलाको अस्थायी पोष्टमा रहेका प्रहरीले उनलाई दसीसहित पक्राउ गरेको हो । उनीविरुद्ध इलाका प्रहरी कार्यालय चैनपुरले थप अनुसन्धान गरिरहेको जनाएको छ ।