राति स्कुटरमा गाँजा बोकेर पोखरा जान खोज्नेहरुको हालत
प्रहरीले धादिङबाट गाँजासहित दुई जनालाई पक्रेको छ । गए राति गजुरी गाउँपालिका–२, फुर्केखोलाबाट करिब ९ किलो गाँजासहित उनीहरुलाई समातिएको हो ।
पक्राउ पर्नेमा पोखरा महानगरपालिका–३ बस्ने ३८ वर्षीय अनिल शाक्य र पोखरा महानगरपालिका–१ बस्ने २४ वर्षीय लिमु रजक हुन् ।
प्रहरीका अनुसार खानीखोलाबाट पोखरातर्फ जाँदै गरेको ग.१९ प ३८६९ नम्बरको स्कुटरलाई अस्थाई प्रहरी पोष्ट फुर्केखोलाबाट खटिएको प्रहरीले जाँच गर्दा उनीहरुको साथबाट गाँजा बरामद भएको हो ।
उनीहरुलाई नियन्त्रणमा लिई थप अनुसन्धान भइरहेको प्रहरीले जनाएको छ ।
ट्रेन्डिङ पोस्ट
टिप्पणीहरू