एस्काभेटर र ट्रिपर स्थानीयले समाते
अवैध रूपमा सामुदायिक वनमा ढुंगा उत्खनन् गर्ने एस्काभेटर र ट्रिपरलाई स्थानीयवासीले नियन्त्रणमा लिएका छन् ।
उदयपुरको बेलका नगरपालिका ४ शिखर सामुदायिक वन उपभोक्ता समूहको क्षेत्रमा अवैध ढुंगा उत्खनन् गरिरहेको एउटा एस्काभेटर र पाँच वटा ट्रिपरलाई स्थानीयवासीले नियन्त्रणमा लिएका हुन् ।
सामुदायिक वन उपभोक्ता क्षेत्रबाट एस्काभेटर र ट्रिपर नियन्त्रण लिएर कारबाहीका लागि बुझाइएको स्थानीयवासी जितबहादुर राना मगरले बताए ।
उनका अनुसार ढुंगा लोडसहित भएको ट्रिपर र एस्काभेटरलाई नियन्त्रणमा लिएर इलाका प्रहरी कार्यालय रामपुर ठोक्सिलालाई जिम्मा लगाइएको छ ।
ट्रेन्डिङ पोस्ट
टिप्पणीहरू