बञ्चरोले हानेर लोग्ने मार्ने श्यामकुमारी प्रहरी खोरमा
नवलपरासी पूर्वमा एक महिलाले श्रीमानको हत्या गरेकी छन् । बञ्चरोले हानेर श्रीमानको हत्या गरेको आरोपमा बुलिङटार गाउँपालिका–५, राईकोटकी ६५ वर्षीया श्यामकुमारी भिरकट्टालाई प्रहरीले पक्रेको हो ।
६५ वर्षीय चमन सिंह भिरकट्टाको हत्या गरेको आरोपमा इलाका प्रहरी कार्यालय रुद्रपुरबाट खटिएको प्रहरीले उनलाई पक्राउ गरेको हो ।
श्यामकुमारीले घरायसी विवादको क्रममा बञ्चरो प्रहार गर्दा चमनसिंह गम्भीर घाइते भएका थिए । उनको मध्यविन्दु जिल्ला अस्पताल डण्डामा उपचारको क्रममा मृत्यु भएको प्रहरीले जनाएको छ ।
यस सम्बन्धमा प्रहरीले थप अनुसन्धान गरिरहेको छ ।
ट्रेन्डिङ पोस्ट
टिप्पणीहरू