राजधानीको व्यस्त सडकमा लागुऔषध किनबेच

राजधानीको व्यस्त सडमाक लागुऔषध कारोबार गर्ने एक जना भारतीय नागरिक र अर्का एक जना नेपालीलाई प्रहरीले पक्रेको छ । उनीहरुले कालिमाटी नजिकैको टंकेश्वरस्थित सडकमा लागुपदार्थ बिक्री गरिरहेको अवस्थामा प्रहरी पुगेको थियो ।

पक्राउ परेका धादिङको त्रिपुरा सुन्दरी गाउँपालिका ४ घर भई हाल टेकु बस्ने २० वर्षका अनिस थापा मगर र भारत उत्तर प्रदेशको महाराजगञ्ज जिल्ला वरमाभोजका १९ वर्षे अजय गौतमको साथबाट नाइट्राभेट १० नौ सय थान बरामद भएको छ ।

प्रहरीले उनीहरुको साथबाट दुई थान मोबाइल समेत बरामद गरेर महानगरीय प्रहरी वृत्त कालिमाटीमा पुर्याएको हो । उक्त घटनाका सम्बन्धमा लागुऔषध नियन्त्रण ऐन, २०३३ बमोजिम प्रहरीले थप अनुसन्धान गरेको जानकारी दिइएको छ ।