अष्ट्रियनद्वारा बैतडीमा गैरकानुनी प्याराग्लाइडिङ
पर्यटक भीसामा आएका एक जना अष्ट्रियन नागरिक बैतडीमा गैरकानुनी प्याराग्लाइडिङ गरेको अभियोगमा पक्राउ परेका छन् । उनी ३२ वर्षीय फिलिप जेल्नर हुन् ।
जिल्ला प्रहरी कार्यालय बैतडीका अनुसार जेल्नरलाई दशरथचन्द नगरपालिका–१ मुस्याचौरस्थित फलफूल विकास केन्द्रको डाँडाबाट समातिएको हो ।
उनले पटक पटक प्याराग्लाइडिङ गर्दै आएको देखेपछि प्रहरीले समातेको हो । उनले अनुमति नलिई नेपालमा प्याराग्लाइडिङ गरेको पुष्टि भएको छ ।
जेल्नरसँग अष्ट्रियामा प्याराग्लाइडिङ गर्ने अनुमतिपत्र रहे पनि नेपालमा त्यस्तो उडानको लागि अनुमति नलिएको पाइएको हो । चैत १७ गतेसम्मको पर्यटक भीसा रहेका उनलाई आवश्यक कारवाही थालिएको जिल्ला प्रशासन कार्यालय बैतडीले बताएको छ ।
ट्रेन्डिङ पोस्ट
टिप्पणीहरू