पााँचथरमा यौन दुर्व्यवहार,एक युवा गिरफ्तार

१७ वर्षीया बालिकालाई यौन दुर्व्यवहार गरेको आरोपमा प्रहरीले कुम्मायक गाउँपालिका–५ का ३९ वर्षीय केदार थापालाई समातेको छ । आरोपी थापालाई प्रहरीले फागुन २८ गते गिरफ्तार गरेको हो ।

यौन दुर्व्यवहार गरेकोमा पीडित पक्षले आरोपितविरूध्द सोही दिन जिल्ला प्रहरी कार्यालयमा उजुरी दिएको थियो । सोही उजुरीका आधारमा आरोपितलाई अनुसन्धानका लागि गिरफ्तार गरेको जिल्ला प्रहरी कार्यालयका इन्स्पेक्टर डम्बर विश्वकर्माले बताए ।