बिदाको फुर्सदमा वडाध्यक्ष कप हुने

रुपन्देहीको सैनामैना नगरपालिकामा भोलि वडाध्यक्ष कप ब्याडमिन्टन प्रतियोगिता हुने भएको छ । दोस्रो सैनामैना ६ नम्बर वडाध्यक्ष कप ब्याडमिन्टन प्रतियोगिता हुन लागेको हो ।

प्रतियोगिता भोलि बिहान ८ बजेबाट सुरु हुने आयोजक दुधराक्ष युवा क्लबका पदाधिकारीहरुले बताएका छन् । सैनामैना इनडोर स्पोर्ट्स एरिया, सैनामैना ७, लुम्बिनी रोडमा हुने प्रतियोगिताको संरक्षक नगरपालिकानै रहेको छ ।

जागरुक, पारिश्रमिक, उन्नतिशील युवा समाजकारुपमा परिचित दुधराक्ष युवा क्लबले यसअघि पनि सामाजिक, सांस्कृतिक, मनोरञ्जन तथा खेलकुदलगायतका कार्यक्रम गर्दै आएको छ ।