बसभित्र गाँजा, ५ भाइको साझा

मकवानपुर प्रहरीले आज बिहान गाँजासहित पाँच जनालाई पक्रेको छ । गोप्य सूचनाको आधारमा इलाका प्रहरी कार्यालय मनहरीबाट खटेको इन्स्पेक्टर प्रकाश थापा नेतृत्वको टोलीले मनहरी ६ स्थित पूर्वपश्चिम लोकमार्ग भएर चितवनबाट हेटौंडातर्फ जाने क्रममा बा.८ ख ८१०६ नम्बरको यात्रुवाहक बस रोकी चेकजाँक अर्दा ३५ किलोग्राम गाँजासहित उनीहरु पक्राउ परेका हुन् ।

बसको पछाडिको सिटमा बसेर यात्रा गरिरहेका चितवन राप्ती नगरपालिका वडा नम्बर १ बस्ने वर्ष १९ को सरोज तामाङ, वर्ष २५ को सूर्यबहादुर स्याङबो, वर्ष २८ को होमनाथ मोक्तान, वर्ष २५ को यमराज मोक्तान र वर्ष ३४ को एबी लाल तामाङले झोलामा लुकाई ल्याएको अवस्थामा ३५ किलो गाँजा फेला परेको हो । पक्राउ परेकाहरुबारे अनुसन्धान जारी रहेको जिल्ला प्रहरी कार्यालय मकवानपुरले जनाएको छ ।