लागुपदार्थ ओसार्ने भारतीय पर्सामा समातिए

आठ सयभन्दा बढी एम्पुल लागुपदार्थसहित २२ वर्षीय युवक आज पर्सामा समातिएका छन् । वीरगंज महानगरपालिका १६ रजतजयन्ती चोकबाट आठ सय ७३ एम्पुलसहित उनलाई प्रहरीले गिरफ्तार गरेको हो ।

पक्राउ पर्नेमा भारतको बिहार मोतीहारीका २२ वर्षीय असरफ अली हुन् । उनको साथबाट दुई सय ९१ एम्पुल नुर्फिन, दुई सय ९१ एम्पुल फेनारगन र दुई सय ९१ एम्पुल डाइजेपाम फेला परेको हो ।

रक्सौलबाट वीरगञ्जतर्फ आउँदै गरेका उनलाई आधा बाटोबाटै नियन्त्रणमा लिइएको प्रहरीले जनाएको छ । प्रहरीले उनीविरुद्ध लागूऔषध सम्बन्धी कसूरमा थप अनुसन्धान भइरहेको जनाएको छ ।