भारतीय ट्रकको ठक्करबाट अटो चालकको मृत्यु

कोहलपुरमा ट्रकको ठक्करबाट अटो चालकको ज्यान गएको छ । स्थानीय पिपलचौतारास्थित सडकमा यूपी ३२ डिएन ४३४४ नम्बरको ट्रकले भे.१ स ४९४१ नम्बरको अटोलाई आज दिउँसो ठक्कर दिँदा चालकको मृत्यु भएको हो ।

मृत्यु हुनेमा सोही नगरपालिका–१३ सिम्री बस्ने २९ वर्षीय रामसेवक थारु रहेको जिल्ला प्रहरी कार्यलय बाँकेले जनाएको छ । दुर्घटनामा गम्भीर घाइते भएका उनको मेडिकल कलेज कोहलपुरमा उपचारको क्रममा मृत्यु भएको हो ।

ट्रक चालकलाई नियन्त्रणमा लिई थप अनुसन्धान गरिरहेको प्रहरीले बताएको छ ।