टाउकोमा ढाकी बोकेर बोर्डर पार गर्न लाग्दा १८ बर्षिया किशोरी पक्राउ

सर्लाही प्रहरीले अवैध गाँजासहित १८ बर्षिया किशोरीलाई पक्राउ गरेको छ । सर्लाहीको मलंगवा नगरपालिका–९ बस्ने किशोरी आइतबार पक्राउ परेकी हुन् ।

टाउँकोमा बोकेको बाँसको ढाकीमा १३ किलोग्राम गाँजा लिएर मलंगवाबाट भारतको सोनवर्षातर्फ जाँदै गर्दा प्रहरीलाई देखेपछि उनी भागेकी थिइन् । प्रहरीलाई देख्नासाथ बोकेको ढाकी खेतमा घोप्टयाई भागेकी उनलाई सोही नगरपालिका–९ बस्ने धनराज साहको घरमा लुकीछिपी बसेको अवस्थामा प्रहरीले फेला पारेको हो ।

फालिएको ढाकी तलासी गर्दा गाँजा फेला परेको प्रहरीले बताइएको छ । प्रहरीले लागूऔषध कारोबारी गिरोहले किशोर किशोरीलाई ओसारपसारमा प्रयोग गरेको हुनसक्ने भन्दै अनुसन्धान गरिरहेको जनाएको छ।