भन्सार छलिएको पाँच सय बोरा मकै बरामद

आज मोरङमा प्रहरीले भन्सार छलेर ल्याउँदै गरेको पाँच सय बोरा मकै पक्रेको छ । जिल्ला प्रहरी कार्यालय मोरङको टोलीले विराटनगर महानगरपालिकाका विभिन्न स्थानबाट अवैध रुपमा भन्सार छलेर ल्याउँदै गरेको अन्य सामानसमेत गरि झण्डै २६ लाख रुपैयाँको सामान समातेको हो ।प्रहरीले केसलिया रोडबाट ना.४ख १६७८ नम्बरको ट्रकमा अन्दाजी २४ लाख मूल्य बराबरको पाँच सय बोरा मकै र अन्दाजी एक लाख ९४ हजार मूल्य बराबरका विभिन्न लत्ता कपडाहरू सवारी साधनसहित पक्रेको हो । बरामद गरिएका उक्त सामग्रीहरु आवश्यक कारबाहीको लागि राजश्व अनुसन्धान कार्यालय इटहरी सुनसरीमा बुझाएको जिल्ला प्रहरी कार्यालय मोरङले जनाएको छ ।