मोटरसाइकल चोरेर भाग्ने दुई प्रहरी खोरमा

प्रहरीले पार्किङमा राखेको मोटरसाइकल चोरेर भाग्ने दुई जनालाई नियन्त्रणमा लिएको छ । पर्वतको कुश्मा नगरपालिका, ११ बस्ने २८ वर्षीय सन्तोष बिक र १८ वर्षीय राजन परियारलाई प्रहरीले पक्राउ गरेको हो ।

मोदी गाउँपालिका, ६ तिलाहारका यामबहादुर केसीले घर अगाडि पार्किङ गरेको मोटरसाइकल चोरी भएको उजुरी प्रहरीमा दिएका थिए । उनको ध.१प २४९२ नम्बरको मोटरसाइकल घरबाट गत बिहीबार चोरिएको थियो ।

केसीको उजुरी परेपछि जिल्ला प्रहरी कार्यालयबाट खटिएको टोलीले आरोपीलाई घरमै लुकेर बसेको अवस्थामा पक्राउ गरेको हो । उनीहरुविरुद्ध ‘चोरी सम्बन्धी कसुर‘ मा मुद्दा दर्ता गरि हिजो जिल्ला अदालतबाट १० दिनको म्याद थप गरेर अनुसन्धान भईरहेको प्रहरीले बताएको छ ।