श्रीमानले विदेशमा रहेकी श्रीमतीको फोटो दुरुपयोग गरे

श्रीमतीको फेसबुक एकाउण्ट खोलेर फोटो दुरुपयोग गर्ने श्रीमान पक्राउ परेका छन् । वैदेशिक रोजगारीको सिलसिलामा ओमानमा रहेकी श्रीमतीको फोटो दुरुपयोग गरि चरित्र हत्या गरेको आरोपमा उनलाई प्रहरीको साइबर ब्यूरोले पक्राउ गरेको हो ।

रुपन्देही सैनामैना नगरपालिका ४ मुर्गिया घर भएका ३६ वर्षीय ३६ जीवन दमाईलाई गत शुक्रबार नियन्त्रणमा लिइएको ब्यूरोले जानकारी दिएको छ ।

आरोपी दमाईले विद्युतीय कारोबार ऐन, २०६३ अन्तर्गतको कसूर गरेकाले जिल्ला अदालत काठमाडौँबाट म्याद थप गरी आवश्यक अनुसन्धान भइरहेको ब्यूरोका प्रवक्ता नविन्द अर्यालले बताए ।