रामबहादुर थापाको घरमा पुलिसको छापा, पुग नपुग एक किलो गाँजा भेटियो

चितवनमा लागूऔषध कारोबारमा संलग्न रहेको आशंकामा प्रहरीले स्थानीय एक व्यक्तिको घर खानतलासी गर्दा नौ सय ग्राम गाँजा फेला परेको छ ।

भरतपुर महानगरपालिका-१४ का ५८ वर्षीय रामबहादुर थापा क्षेत्रीको घरबाट उक्त परिणाममा गाँजा फेला परेको प्रहरीले जनाएको छ । गाँजा बेचबिखनमा सक्रिय रहँदै आएका उनीमाथि शंका लागेपछि प्रहरीले घर खानतलासी गरेको हो ।

गाँजा बेच्नका लागि ठिक्क पारेर राखेको भन्ने सूचनाको आधारमा प्रहरी कार्यालय गीतानगरबाट खटिएको प्रहरीले घरमा छापा मारेको थियो । प्रहरीका अनुसार बरामद गाँजासहित थापा पक्राउ परेका छन् ।