उठ्ने बितिक्कै बञ्चरो हानेर छोराद्वारा बाबुको हत्या
बैतडीमा आज बिहान बञ्चरो प्रहार गरेर छोराले आफ्नै बाबुको हत्या गरेका छन् । बाबुको हत्या गर्ने छोरा डिलाशैनी गाउँपालिका–५ का २२ वर्षीय लोकराज जोशीलाई प्रहरीले तत्काल पक्राउ गरेको छ ।
उनले आज बिहान उठ्ने बितिक्कै बञ्चरो हानेर ६८ वर्षीय बुबाको हत्या गरेका हुन् ।
बिहान घरमै ठेकी सफा गरिरहेका अन्तरामलाई लोकराजले बञ्चरो प्रहार गरेको वडाध्यक्ष यज्ञराज भट्टले जानकारी दिए ।
उनका अनुसार लोकराजले टाउकोमा बञ्चरो प्रहार गरेका कारण अन्तरामको घटनास्थलमै मृत्यु भएको हो । छोरालाई नियन्त्रणमा लिएर अनुसन्धान भइरहेको इलाका प्रहरी कार्यालय पाटनले जनाएको छ ।
ट्रेन्डिङ पोस्ट
टिप्पणीहरू