बाख्रा चराउन गएकी किशोरी बलात्कृत
सिरहामा बाख्रा चराउन गएकी १६ वर्षीया किशोरी बलात्कृत भएकी छन् । किशोरीलाई बलात्कार गरेको आरोपमा प्रहरीले एक जनालाई पक्राउ गरेको छ । गोलबजार नगरपालिका–१०, धर्मपुरका ३८ वर्षीय राजकुमार विश्वकर्मालाई जबरजस्ती करणीको आरोपमा इलाका प्रहरी कार्यालय गोलबजारले पक्राउ गरेको हो ।
किशोरी टोलाउने, झोक्राएर बस्ने गरेपछि अभिभावकले सोधखोज गर्दा आफूमाथि विश्वकर्माले करणी गरेको बताइएकी हुन् । सोही आधारमा पीडितका आफन्तले दुई दिनअघि प्रहरीमा निवेदन दिएको इलाका प्रहरी कार्यालय गोलबजारका प्रमुख प्रहरी निरीक्षक राजु केसीले बताए ।
पक्राउ परेका विश्वकर्मालाई जबरजस्ती करणी मुद्दामा जिल्ला अदालत सिराहाबाट पाँच दिनको म्याद थप गरी थप अनुसन्धान थालिएको प्रहरीले जनाएको छ ।
टिप्पणीहरू