भारतीय ट्रकमा डेढ क्विण्टल गाँजा

प्रहरीले वीरगञ्जमा भारतीय ट्रकमा लुकाएर राखिएको अवस्थामा झण्डै डेढ क्विण्टल गाँजा बरामद गरेको छ । वीरगञ्ज महानगरपालिका–२४, बहुअरी चोकबाट सशस्त्र प्रहरी बलको टोलीले ठूलो परिमाणमा गाँजा बरामद गरेको हो ।

रोकी राखेको भारतीय नम्बरको ट्रकबाट सशस्त्र प्रहरी बल १३ नम्बर गणबाट खटिएका टोलीले एक सय ४३ केजी पाँच ग्राम गाँजा बरामद गरेको हो ।

विशेष सूचनाको आधारमा हिजो राति ११ बजे पवनपुत्र पेट्रोल पम्प नजिकैको बहुअरी चोकमा यूपी ७५ एम ४०८९ नम्बरको भारतीय मालवाहक ट्रक खानतलासी गर्दा उक्त गाँजा बरामद भएको बताइएको छ ।

ट्रकको क्याबिन माथिको हुडमा सामान राख्ने खण्ड बनाई १० वटा प्याकेटमा लुकाई छिपाई राखिएको अवस्थामा गाँजा फेला परेको हो । थप अनुसन्धानको लागी ट्रक र गाँजालाई जिल्ला प्रहरी कार्यालय पर्सामा बुझाइएको छ ।